УБ хотод ₮50,000 -с дээш худалдан авалтанд хүргэлт үнэгүй
0 Сагс
Сагсанд орсон
    Таны сагсанд 1 бараа байна
    Таны сагсанд 1 бараа байна
      Нийт

      Таньд хэрэгтэй мэдээллүүд

      Үрдээ үнэг хайчилж, унага зүсэлдэг ард түмэн минь

      Үрдээ үнэг хайчилж, унага зүсэлдэг ард түмэн минь

      Монголчууд эртнээс хүүхдийг үнэг хайчлан домнодог байсны учир:

      Хүүхдийн зүүдэнд үнэг хүрч ирээд "Ээжийг нь авлаа, ээжийг нь авлаа" гэж хэлээд хүүхдийг унтуулдаггүй гэнэ. Харин үнэг хайчлаад унжуулсан бол "Энэ хүүхэд үнэгтэй юм байна" гээд буцаад явдаг гэсэн ардын домог яриа байдаг. 

      Үүнээс үүдэн хүүхдийг элдэв гай барцад, муу зүйлээс ангид байж, эрүүл чийрэг, бат бөх хүн болохыг билэгдэн Монголын олон угсаатанд үнэг хайчлах зан үйл эртнээс нааш хэрэглэгдсээр иржээ.

      Хүүхэд гэдэг хамгийн гэгээхэн, хамгийн цэвэр ариун, хамгийн тансаг ертөнц юм. Хүүхдийн байгаа газар үргэлжид инээд хөөр цалгиж, аз жаргал бялхаж байдаг билээ. Хүүхэд өөрийн цагаахан ертөнцөөр энэ дэлхий ертөнц хийгээд бид бүгдийг харан даган дуурайж байдаг.

      Иймээс хүүхдийг багаас нь бусдыг болон өөрийгөө хүндэлдэг эелдэг нэгэн болон өсөхөд туслах хэрэгтэй. Эцэг эхчүүд бид өөрсдөө хичээнгүй, өөдрөг, аз жаргалтай, хүсэл тэмүүлэлтэй, зарчимч байснаараа хүүхдээ мөн яг ийм хүн болгон төлөвшүүлж болно. Үүнээс гадна хүүхдээ байгальтай ойр байлгаж, Монгол ёс заншил, соёл уламжлалаа дээдэлж сургах, мэдлэг боловсролоо дээшлүүлэхэд нь туслах гэх мэт олон чухал зүйлс бий.

      Хүүхдийн хамгийн сайн хүмүүжил бол гэр бүлийн эерэг орчин юм. Хүүхэд бүхэн элэг бүтэн, эрүүл саруул инээж байгээ.

      Хүүхдийн эрхийг хамгаалах өдрийн мэнд хүргэе!!!

      Монгол хээний тухай

      Монгол хээний тухай

      Монгол түмэн эртнээс хээ чимэглэлүүдийг өргөнөөр хэрэглэж ирсэн байдаг.

      Хээ угалз бол сав шим ертөнцийн юмс үзэгдлийн үүсэл, мөн чанар, утга учрыг дохиолсон тэмдэгт дүрслэл юм. Хээ угалз бүхэн амьдралын хамаг сайн сайхныг магтан уламжилж, зөгнөн ерөөж, хэрсүү далд ухаанаар ёгтлон бэлэгшээсэн байдаг. Иймээс хээг бат бөх байх, хайрлан хамгаалах, өнөр өтгөн амьдрах, баян тансаг аж төрөх, өлзий хутаг орших, урт насалж өнө удаан жаргах, сонор соргог байх, алдар суугаа өргөж явах зэрэг утга билэгдлийн үүднээс ангилан хэлэлцдэг билээ.

      Эмэгтэйн гоёл, эрэгтэйн эдлэл хэрэглэл, зэр зэвсэг, эмээл хазаар, ахуйн эд өлгийн зүйлс, бөө мөргөл, уран барилга, монгол төрт ёсны билэгдэл зэрэгт уламжлалт хээнүүд хадгалагдан ирсэн байдаг. 

      "Алхан хээ" нь геометрийн дүрслэлтэй хээ бөгөөд анх унага тугалын зэлний чагтнаас санаа авсан гэлцдэг. Голдуу уран барилга, уран зураг зэрэг бүтээлд өргөн ашиглаж ирсэн байдаг. Үүний гол жишээ нь бидний хамгийн сайн мэдэх арслантай авдар шүү дээ. Авдар дээрээ 2 арслангийн дүрс зураад алхан хээгээр битүү хүрээлсэн байдаг нь бат бэхийн билэгдэл муу муухай зүйл оруулахгүй гэсэн утга агуулж байгаа юм.

      Алхан хээ нь утга агуулгаараа мөнхийн хөдөлгөөнийг хадгалдаг учир хүний амьдрал ямагт мөнх, үргэлжийн хөдөлгөөнд байх мөнх амьдрал, өлмий бат оршихуйн билэгдэл юм. Хэлбэрийн хувьд голдуу дөрвөлжин хэлбэртэй, хагас,бүтэн, битүү,задгай янз бүрийн хэлбэрээр чимэг болгон хэрэглэж иржээ. Харин өнөө үед уран бүтээлчид уламжлалт агуулгыг хадгалсан шинэлэг хэв маягийг бүтээхийг зорих болжээ.

      Уламжлалт хээний дүрсүүдийг судлан дээдлэх нь үндэсний соёлын нэгэн бахархал төдийгүй үр хойчдоо өвлүүлэн үлдээх өнөөгийн бидний үүрэг юм. Манай хамт олон ч мөн адил шинэлэг хэв маягийг эрэн хайж өөрийн ДАНСРАН брэнддээ ардын билэгдэл зүй, уран дүрслэл,хээ чимэглэлийн сонгодог өнгө аясыг шингээн урлахыг зорин ажиллаж байгаа билээ. Үүний нэгэн илрэл нь Дансран брэндийн эмэгтэй бугуйн цаг юм.

      Алхан хээг товойлгон хөвөөлсөн,хялбар солигддог зэвэрдэггүй ган төмөр болон арьсан оосортой, кварц хөдөлгүүртэй, 5ATM усны хамгаалалттай бугуйн цагаа Монгол бүсгүйчүүддээ зориулан ур ухаан,сэтгэл зүрхээ шингээн Франц улсад үйлдвэрлээд байгаа билээ. 

      *5ATM усны хамгаалалт гэдэг нь 50 метр буюу 164ft усанд 10 минут хүртэл бидний цагийг хамгаалах дэлхийн стандарт юм. 

      Та ЭНД ДАРЖ энэхүү цагны талаар дэлгэрэнгүй мэдээлэл аваарай

      Гоёл чимэглэлийн арчилгаа

      Гоёл чимэглэлээ хайрлан хамгаалах талаарх бидний өгч буй дараах зөвлөгөөг дагаж хэвшээрэй

      • Хувцаслах үедээ гоёл чимэглэлээ хамгийн сүүлд зүүж хамгийн түрүүнд тайлах, тайлах үедээ хувцсанд гогодож гэмтэхээс сэргийлэх
      • Элдэв химийн найрлагатай бодис нь гоёл чимэглэлийг зэврээх, өнгийг нь алдуулах эрсдэлтэй тул үсний лак, үнэртэй ус, саван, биеийн тос, чийгшүүлэгч зэргийг түрхэж дууссаны дараа гоёл чимэглэлийг зүүх
      • Усанд орох, угаалга үйлдэх, фитнесс, бэлтгэл дасгал хийх үедээ гоёл чимэглэлээ тайлж хэвших
      • Ширээ, сандал мэт тавилгын гадаргууд цохигдож үрэгдэхээс сэргийлэх
      • Зүүж хэрэглээгүй үедээ гоёлоо тус тусад нь өөрийн хайрцаганд нь, эсвэл бусад зориулалтын хайрцаганд хадгалж хэвших
      • Хүн хүний биеийн онцлог болон улирлаас хамаарч их бага хэмжээгээр биеэс тос ялгардаг учир зүүсний дараа гоёл чимэглэлээ хуурай зөөлөн даавуун материалаар арчиж хэвшвэл шинэлэг байдал болон өнгөө удаан хадгална.
      • Гоёл чимэглэлийг цэвэрлэхдээ цайруулагч, хлор зэрэг химийн найрлагатай элдэв өнгөлөгч бодис, цэвэрлэгч шингэн, ширүүн материал зэргийг ашиглахгүй байх

      Зүй зохистой хэрэглээ нь таны гоёл чимэглэлийг удаан хугацаанд  шинээрээ мэт тантай хамт байх нөхцөлийг бүрдүүлнэ. 

      САНАМЖ:

      Цаг хугацааны эрхээр аливаа БҮРМЭЛ бүтээгдэхүүний бүрэлт арилдаг гэдгийг анхаараарай.